തിരുവനന്തപുരം: അടുത്ത അഞ്ച് ദിവസത്തിനുള്ളില് കാലവര്ഷം കേരളത്തിലെത്തുമെന്ന് കേന്ദ്ര കാലാവസ്ഥ വകുപ്പ്. ഇതോടൊപ്പം തെക്കുപടിഞ്ഞാറന് അറബിക്കടല്, തെക്കുകിഴക്കന് അറബിക്കടല്, ലക്ഷദ്വീപ് ദ്വീപുകള് എന്നിവയുടെ കൂടുതല് ഭാഗങ്ങളിലേക്കും, മധ്യ-പടിഞ്ഞാറന്, മധ്യ-കിഴക്കന്, വടക്കുകിഴക്കന് ബംഗാള് ഉള്ക്കടലിലെ കൂടുതല് ഭാഗങ്ങളിലേക്കും, തെക്കുകിഴക്കന് ബംഗാള് ഉള്ക്കടലിന്റെ അവശേഷിക്കുന്ന ഭാഗങ്ങളിലേക്കും കാലവര്ഷം വ്യാപിക്കാന് സാധ്യതയെന്നും മുന്നറിയിപ്പില് പറയുന്നു.
