വയനാട്: മാനന്തവാടി പഞ്ചാരക്കൊല്ലിയിൽ നരഭോജി കടുവ ചത്ത നിലയിൽ. ദൗത്യസംഘമാണ് കടുവയെ ചത്ത നിലയിൽ കണ്ടെത്തിയത്. ഇന്ന് രാവിലെ ഈ മേഖലയിൽ കടുവയെ കണ്ടതായി റിപ്പോർട്ടുകൾ ഉണ്ടായിരുന്നു. പുലർച്ചെ 2:30 ഓടെയാണ് ജഡം കണ്ടെത്തിയത്. കടുവയുടെ ദേഹത്ത് ധാരാളം പരിക്കുകൾ ഉണ്ട്.നരഭോജി കടുവയെ പിടികൂടാനുള്ള ദൗത്യം അരുൺ സക്കറിയയുടെ നേതൃത്വത്തിലുള്ള ദൗത്യസംഘം ഇന്നും നടന്നുവരികയായിരുന്നു. അതിന്റെ ഭാഗമായുള്ള തിരച്ചിലിലാണ് കടുവയുടെ ജഡം കണ്ടെത്തിയത്. പിലാക്കാവ് ഭാഗത്ത് കടുവയെ രാവിലെ ദൗത്യസംഘം ലൊക്കേറ്റ് ചെയ്തിരുന്നു. ഈ പ്രദേശത്ത് തന്നെയാണ് ജഡം കണ്ടെത്തിയിട്ടുള്ളത്.
