തിരുവനന്തപുരം: മാസപ്പടി കേസുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയന്റെ വസതിയിൽ പരിശോധന നടത്തിയ ശേഷം മടങ്ങുകയായിരുന്ന എൻഫോഴ്സ്മെന്റ് ഡയറക്ടറേറ്റ് (ഇ.ഡി) ഉദ്യോഗസ്ഥരെ ആക്രമിച്ച സംഭവത്തിൽ പിഎംഎൽഎ പ്രകാരം ഇ.ഡി കേസെടുത്തു. പൊലീസ് കേസിൽ പ്രതികളായ മുഴുവൻ പേരെയും ഇ.ഡിയുടെ കേസിലും പ്രതികളാക്കിയതായി റിപ്പോർട്ട്.
ഉദ്യോഗസ്ഥർക്കുനേരെയുണ്ടായ ആക്രമണത്തിന് പിന്നിൽ കള്ളപ്പണ ഇടപാടോ സാമ്പത്തിക സഹായമോ ഉണ്ടായിട്ടുണ്ടോ എന്നതിലാണ് ഇ.ഡിയുടെ അന്വേഷണം. സംഭവത്തിന് പിന്നിലെ ഗൂഢാലോചനയും അന്വേഷണ പരിധിയിൽ ഉൾപ്പെടുത്തിയിട്ടുണ്ട്. ആക്രമണ സമയത്ത് സ്ഥലത്തുണ്ടായിരുന്ന രാഷ്ട്രീയ നേതാക്കളുടെ പങ്കും പരിശോധിക്കുമെന്ന് റിപ്പോർട്ടുകൾ പറയുന്നു.
മെയ് 27-ന് പിണറായി വിജയന്റെ വസതിയിലെ പരിശോധനയ്ക്ക് ശേഷം മടങ്ങുന്നതിനിടെയാണ് ഇ.ഡി സംഘത്തിന്റെ വാഹനത്തിന് നേരെ ആക്രമണമുണ്ടായത്. കേസിൽ പൊലീസ് 27 പേരെ പ്രതികളാക്കിയിരുന്നു. വധശ്രമം, ഗൂഢാലോചന തുടങ്ങിയ കുറ്റങ്ങൾ പിഎംഎൽഎയിലെ ഷെഡ്യൂൾഡ് ഒഫൻസുകളുമായി ബന്ധപ്പെട്ടതിനാലാണ് ഇ.ഡി നേരിട്ട് കേസ് രജിസ്റ്റർ ചെയ്തതെന്നാണ് റിപ്പോർട്ട്.